Излезе „Културен печат“ број 192 во весникот „Слободен печат“
КУЛТУРЕН ПЕЧАТ број 192, во печатеното издание на весникот „Слободен печат“ (19-20.8.2023), во својот стандарден формат на осум страници меѓу содржините од областа на уметноста и културните настани има:
– интервју со карикатуристот, есеист и сатиричар Тоде Ристо Блажевски: Мојата карикатурна реакција обично почнува со револт
– филмска концентрација во старото скопско јадро со програмата на 14. Фестивал на креативен документарен филм „Македокс“
– кинематограферите се главните ѕвезди на Интернационалниот фестивал на филмската камера „Браќа Манаки“ во Битола
– маестро Симон Трпчески и пријателите ќе го изведат „Македонисимо“ во село Секирник, Општина Босилово, Струмица, во подножјето на планината Беласица
– разговор со поетесата Ирена Павлова Де Одорико: Афоризмот е патот кон тишината на зборовите
– книжевна рецензија на изборот поезија од Ацо Шопов со наслов „Од најстара и најчиста сончевина“: Шопов низ полски окулар
– врвици на историјата – Вера Јоциќ во очите на Ацо Шопов (препис на оригинален текст од Ацо Шопов за народниот херој Вера Јоциќ)
– стихозбирката „50 испеани приказни“ од Александар Русјаков ја доби наградата „Антево перо“ за 2023 година
– годинашното 35-то јубилејно издание на интернационалниот поетски фестивал „Поетска ноќ во Велестово“ се одржува од 18 до 20 август на повеќе локации во Велестово и во Охрид
– шеснаесет критички есеи посветени на поетски и прозни дела од македонски автори се објавени во книгата „Вертикали на македонската книжевност“ на Љубинка Донева.