Италијански градоначалник нареди сексуална апстиненција: Мора да бидете барем метар одвоени дури и во кревет
Де Лука рече дека владините мерки се само „детски желби“ додавајќи дека жителите на Месина и натаму ќе се придржуваат кон строгите мерки
Катено де Лука, градоначалник на италијанскиот град Месина, кај локалната јавност познат по неговите остри и провокативни ставови, уште еднаш се избламира во јавност. Овојпат со изјавите за примена на мерките во време на епидемијата од коронавирусот.
Препорачано
– Ако ве фатам во групи од двајца или тројца и ве видам во романтична прегратка: добро. Од сега „романтичното ловење“ е забрането. Гушкањето и бакнувањето е забрането. Мора да се држиме до тотална апстиненција. Тешко на оној кој ќе ја прекрши сексуалната апстиненција. Дали се разбравме? Супер – рече Де Лука во последното обраќање преку социјалните мрежи.
Cateno De Luca ordina l'astinenza sessuale fino a ottobre
«No a baci e abbracci. Anche a letto un metro di distanza» https://t.co/XJCiuP66de— MeridioNews (@MeridioNews) May 3, 2020
Италијанските медиуми наведуваат дека неговиот пристап бил имитација на обраќањето на Џуезепе Конте.
– Сами одете во лов (популарен термин за додворување). Па и дома, бидете внимателни. Мора да бидете барем метар одвоени дури и во кревет. Бидејќи мојот двојник (Џузепе Конте) немаше храброст да ви каже, еве јас ќе ви кажам. Апстиненција до 31. октомври, рече Де Лука.
И понатаму предизвикувајќи го Конте, Де Лука рече дека владините мерки се само „детски желби“ додавајќи дека жителите на Месина и натаму ќе се придржуваат кон строгите мерки иако Италија полека се отвора, пишуваат италијанските медиуми.
