Дојдовме на одмор во Албанија и решивме дека сакаме да инвестираме овде и да го поминеме животот во оваа земја. Вака Рафаел Бјанкареду и Рикардо Вирџили на социјалните мрежи ја опишуваат својата приказна која успешно ја пишуваат во Албанија. Тие се двајца од 4 луѓе кои инвестирале во еден од најпопуларните бизниси во земјата,барови и ресторани.

„Дојдов во Албанија пред околу три години за прв пат како турист, откако работев 15 години во Лондон во услужниот сектор. Сакав да инвестирам во  „нова земја“. Многумина можеби ќе прашаат зошто морав да отворам бар, а мојот одговор е овој: тоа е местото каде што луѓето можат да се дружат, додека Италијанците кои живеат во Тирана можат да најдат спомени од својот роден град.„ вели Рафаел Бјанкареду, италијански претприемач во Албанија

Податоците на Институтот за статистика покажуваат дека бројот на компании со италијанска сопственост минатата година достигна 2.875, што е зголемен за 200 субјекти во споредба со 2021 година. Всушност, една четвртина од странските компании кои работат овде се италијански. По речиси една година активност, Рикардо Вирџили е убеден дека „вреди да се инвестира во Албанија“.

“Апсолутно да. Реалноста што ја изградивме би било многу тешко да се постигне во другите европски земји. Се разбира, има многу да се работи, но како Италијанци го носиме она што го знаеме да го инвестираме во Албанија. Вашата земја е нова земја, која им ветува многу на странците“ вели Рикардо Вирџили, еден од инвеститорите на локал во Албанија