Во 2021 година, 95,4 милиони луѓе во ЕУ, што претставува 21,7% од населението, беа изложени на ризик од сиромаштија или социјална исклученост, т.е. живееја во домаќинства кои се соочуваат со најмалку еден од трите ризици од сиромаштија и социјална исклученост (ризик од сиромаштија, материјално загрозени и живеење во домаќинство со многу низок интензитет на работа). Ова е благ пораст во споредба со 2020 година (94,8 милиони; 21,6% од населението).

Ова доаѓа од податоците што ги објави Евростат. Во соопштението се претставени неколку наоди од подеталната статија „Статистика за условите за живот во Европа – сиромаштија и социјална исклученост“.

Помеѓу 95,4 милиони луѓе во ЕУ кои се соочија со ризик од сиромаштија или социјална исклученост, околу 5,9 милиони (1,3% од вкупното население) живееја во домаќинства кои ги доживуваат сите три ризици од сиромаштија и социјална исклученост истовремено.

Во 2021 година, 73,7 милиони луѓе во ЕУ беа под ризик од сиромаштија, додека 27,0 милиони беа сериозно материјално и социјално ограничени, а 29,3 милиони живееја во домаќинство со низок интензитет на работа.

Ризикот од сиромаштија или социјална исклученост варираше низ земјите-членки на ЕУ. Највисок процент на луѓе со ризик од сиромаштија или социјална исклученост е забележан во Романија (34%), Бугарија (32%), Грција и Шпанија (и двете по 28%).

Спротивно на тоа, најмал удел на луѓе со ризик од сиромаштија или социјална исклученост се забележани во Чешка (11%), Словенија (13%) и Финска (14%).