Долно Лисиче доби нови спортски игралишта за фудбал и кошарка и ново детско катче. После долги години, населеното место „Чатал“ има модерен, локален спортски комплекс, кој е заокружување на неколку важни инвестиции во спортот и инфраструктурата во овој дел од општината, велат од Општина Аеродром.

На игралиште во Долно Лисиче, со средства од општинскиот буџет, направена е целосна реконструкција на фудбалското игралиште, поставено е ново осветлување, вештачка трева, реквизити за деца, како и нов терен за кошарка.

Градоначалникот Тимчо Муцунски вели дека радоста на децата е најважна, а инвестициите наменети за нив се високо во приоритетите на општината.