Застрашувачкиот инцидент се случи во Националниот парк Пиланесберг, југозападно од Јоханесбург на 18 март, кога камионче со групата јужноафрикански туристи премногу се приближил до слон за да го фотографираат. Слонот се разлутил и тргнал одлучно кон возилото.

На видеата се гледа моментот кога слонот го крева предниот дел од камиончето со сурлата пред да го фрли на земја, додека од внатре се слушаат врисоците на патниците.

Возачот на возилото тргнал во рикверц и удрил со раката на вратата во обид малку да го исплаши слонот и да го спречи нападот.

Според компанијата што го организираше сафарито, Mankwe Game Trackers, слонот бил во период на парење, што значи дека нивото на тестостерон се зголемува за 60 пати, и тогаш цицачите стануваат поагресивни.

An elephant attacks a tourist truck in South Africa 🇿🇦 pic.twitter.com/BX8typkcUq

— Africa In Focus (@AfricaInFocus_) March 19, 2024

За среќа, за време на инцидентот нема повредени, но службениците на паркот им пружиле психолошка поддршка на преплашените туристи.