Холандскиот сенат попладнево го ратификуваше Протоколот за пристапување на Северна Македонија во НАТО. Информацијата на социјалните мрежи ја сподели министерот за надворешни работи на Македонија, Никола Димитров.

Откако 26 земји-членки го ратификуваа протоколот, се очекува уште Франција, Шпанија и Исланд да го направат тоа. Официјалното членство на Македонија во НАТО се очекува да биде во февруари 2020 година.

Met dank aan Nederland

De @EersteKamer der Staten Generaal heeft vandaag gestemd voor de wet goedkeuring Protocol bij het Noord-Atlantisch Verdrag over de toetreding van Noord-Macedonië   

Met dank aan de Staten-Generaal, Met dank aan @ministerBlok

— Nikola Dimitrov (@Dimitrov_Nikola) November 12, 2019

Министерката за одбрана Радмила Шекеринска денеска изјави оти се очекува до крајот на ноември или до Лондонскиот самит да заврши ратификацијата и во Франција, по што останува само ратификацијата во Шпанија, за што поточни проценки ќе можат да се направат дури откако ќе биде јасна новата влада.

– Според најавите, првата седница на шпанскиот Парламент ќе биде почетокот на декември. Секое шпекулирање сега, ќе биде само шпекулација. Многу внимателно ги следиме настаните, ја испраќаме континуирано пораката дека е многу важно за нас, но и за регионот, нашето членство час поскоро – изјави Шекеринска.