В сабота од 13.30 часот на стадионот „Етихад“ во Премиер лигата ќе се дербито од 13 коло помеѓу Манчестер сити и Ливерпул. Моментно по 12 одиграни кола Сити е првопласиран со 28 бодови, само еден повеќе од „црвените“ на втората позиција, а 27 има и третопласираниот Арсенал.

Фудбалерот на Манчестер сити, Ерлинг Халанд се врати на тренинзите во четвртокот и има за цел да биде подготвен за утрешниот меч, пренесува „Дејли Мејл“.

Норвешкиот напаѓач се повреди за време на репрезентативната пауза, поради проблеми со зглобот на мечот со Фарските Остро, а го пропушти вториот натпревар против Шкотска.

Лекарот на норвешката репрезентација увери дека повредата не е сериозна и Халанд може нормално да тренира со соиграчите по враќањето во Манчестер.

Менаџерот на „граѓаните“, Пеп Гвардиола, не може да смета на Едерсон, кој не беше со репрезентацијата на Бразил поради проблем со стапалото, повреда од последниот премиерлигашки дуел против Челси.