Гвардиола: Левандовски не беше „срцето“ на Баерн
Менаџерот на Манчестер сити, Пеп Гвардиола по пријателскиот натпревар на неговиот тим против Баерн Минхен, го прокоментира заминувањето на Роберт Левандовски од баварскиот тим.
Левандовски минатата недела и официјално се пресели во Барселона по осум години поминати во Минхен, но поранешниот тренер на Баерн смета дека Полјакот иако беше најдобар играч, не бил „срцето на тимот“.
– Левандовски беше важен играч, но не беше „срцето“ на Баерн. Срцето на Баерн се Ноер, Милер и Кимих. Сите фудбалери сакаат да дојдат во екипи како што се Реал, Барселона и Баерн. Останатите мораат да платат повеќе – изјави Гвардиола.
Гвардиола седеше на клупата на Баерн Минхен од 2013 до 2016 година и освои три титули во Бундеслигата и две титули во Купот на Германија, но во Лигата на шампионите најголем дострел му беше пласман во полуфиналето.