ГРК Охрид го совлада Тинекс Пролет и останува во игра за Европа
Ракометниот клуб Охрид запиша нова победа во домашната Суперлига откако убедливо со 29:19 триумфираше над Тинекс Пролет. После првото полувреме играчите предводени од тренерот Горан Андоновски имаа „плус четири“ по првото полувреме (12:8).
Со овие бодови ГРК Охрид ја продолжува битката за една од позициите кои носат пласман во Европа следната натпреварувачка сезона.
Во победничките редови доминираше Шешиќ со шест погодоци, по еден помалку имаа Д. Андоновски и Бојаниќ. На спротивната страна пет погодоци беа дело на Л. Андоновски, а по четири имаа Палевски и Василевски.
Се одигра уште еден меч во неделата, Тиквеш како гостин славеше на гостувањето кај Еурофарм Пелистер 2 со 25:30.
Табела: Еурофарм Пелистер 36 бодови, Вардар 1961 33, Алкалоид 30, Тиквеш 17, Охрид 15, Бутел Скопје 10, Еурофарм Пелистер 2 7, Тинекс Пролет 6.