Поранешниот специјален пратеник на американскиот претседател за дијалог меѓу Косово и Србија, Ричард Гренел, утринава, откако припадниците на КФОР ги опколија општинските згради на север, изјави дека „од мир и напредок преминавме во хаос и окупација“.

Во објавата со наслов „најнови вести“ на Твитер, Гренел сподели видео пред општинската зграда во Лепосавиќ, каде се протегаат бодликава жица и каде се наоѓаат голем број припадници на КФОР.

„Трупите на НАТО окупираа згради на Косово. Американски војници и американски пари. Отидовме од мир и напредок под Трамп до хаос и окупација под Бајден. Бајден е толку слаб“, рече Гренел.

BREAKING: NATO troops have taken over buildings in Kosovo. American troops and American money.

We went from peace and progress under Trump to chaos and troop occupation under Biden.

Biden is so weak. https://t.co/1D6dtjslp8

— Richard Grenell (@RichardGrenell) May 29, 2023

Силите на КФОР од утрово ги опколија општинските згради во Лепосавиќ, Звечан и Зубин Поток.

Припадниците на италијанската секција на КФОР се наоѓаат во Северна Митровица, на влезот во Бошњачка Махала, каде што се распоредени од раните утрински часови. Присутни се неколку џипови и камиони со повеќе од 100 војници.

Во Звечан има и голем број припадници на полскиот контингент на КФОР, кои го формираат првиот обрач на „безбедност“ околу општинската зграда. Зад нив, во близина на самата општинска зграда, се припадници на косовската полиција.

За потсетување, училиштата на северот на Косово утринава се затворени поради новата безбедносна ситуација и огромното присуство на косовската полиција, која во петокот насилно упадна во зградите на општините Звечан, Зубин Поток и Лепосавиќ.

ВИДЕО: На северот на Косово тензично, полицијата употреби солзавец да ги растера граѓаните