Грчкиот фудбалер Димитрис Коловециос, кој живее во турскиот град Кајсери го опиша своето застрашувачкото искуство од земјотресот што ги погоди областите на југоисточна Турција и северна Сирија, пренесува грчкиот медиум „Прототема“.

„Се случи околу 4:30 часот, беше многу силен земјотрес. Со автомобил сме на околу 3 часа од центарот. Го почувствувавме многу силно. Бев во кревет и штом станав не можев да одржувам рамнотежа“, изјави тој за ТВ ОПЕН.

Грчкиот фудбалер го процени времетраењето на земјотресот на 1,5 минута, додавајќи дека „имало многу последователни потреси“. „Сите плачеа, влегуваа во автомобили. Настана гужва“, додаде тој за првите реакции по ударот во градот.

Како што додаде, покрај земјотресот, жителите на подрачјата имале проблеми и со снегот.