Голманот на РК Алкалоид, Галевски: Војводина е сериозен противник
Денеска од 18.45 часот македонскиот вицешампион Алкалоид ќе го игра петтото коло од групата „Ф“ во Европската лига на ЕХФ против Војводина во Нови Сад, Србија.
Ракометарите предводени од тренерот Кирил Лазаров во понеделникот го имаа официјалниот тренинг во салата „Слана Бара“.
Вториот меч од оваа група ќе се игра од 20.45 часот меѓу екипите на Ла Риоха и Бјерингбро/Силкеборг.
На табелата по четири кола по шест бодови имаат Бјерингбро/Силкеборг и Војводина, три Ла Риоха, а еден Алкалоид.
– Нè очекува голем предизвик. Војводина е сериозен противник, но ние сме подготвени и мотивирани да излеземе на терен и да се надигруваме во Нови Сад – изјави голманот на РК Алкалоид, Иван Галевски.
Судии на денешниот меч ќе бидат Ернест Агакиши (Азербејџан) и Емил Агакиши (Азербејџан), а ЕХФ делегат е Емир Бешлија од Црна Гора.