„Гол-машината“ Халанд ќе го урне рекордот на Манчестер сити!?
Според најновите шпекулации норвешкиот интернационалец се очекува да биде наследникот на Серхио Агуеро во клубот од „Етихад“.
Оваа зима Манчестер сити не беше многу активен на трансфер пазарот, но по завршувањето на оваа сезона се очекува да го освежи нападот со Ерлинг Халанд.
Голгетерот на Борусија од Дортмунд би можел да го облече дресот на „граѓаните“ за 77 милиони евра, колку што изнесува излезната клаузула наредното лето.
Агуеро има договор со Сити до крајот на сезонава и засега нема никакви најави за продолжување на соработката. Норвежанецот е означен како замена за најдобриот стрелец во историјата на премиерлигашкиот клуб.
А покрај Манчестер сити, интерес за Халанд покажува и Челси. Доколку го избере Сити, тогаш ќе биде најскапо платениот фудбалер на тој клуб, бидејќи досегашниот рекорд изнесува 76 милиони евра колку што беа вложени за Кевин Де Брујн кој направи трансфер од Волфсбург.
Барселона го носи единствениот играч кој може да го задржи Меси на „Камп Ноу“