Го урна рекордот: Гулабица продадена за 1,6 милиони евра
Њу Ким, двегодишна гулабица за трки од белгиската одгледувалница, е продадена на аукција во Брисел на кинески купувач по рекордна цена од 1,6 милиони евра, објави интернет аукциската куќа „Пипа“.
Двајца кинески лицитатори, под псевдонимите Супер Дупер и Хитмен, ја зголемиле очекуваната цена за 280.000 евра во последниот половина час од аукцијата и го надминале претходниот рекорд од 1,25 милиони евра од март 2019 година, за колку што беше продаден другиот белгиски гулаб Арман.
Супер Дупер ја добил птицата, а зад псевдонимот наводно стои истиот богат кинески индустријалец кој веќе го купил Арман, овозможувајќи размножување со две скапи птици, пренесува АП.
A racing pigeon from Belgium has set a new record after being sold for €1.6m ($1.9m, £1.4m).
New Kim, a two-year-old female, was initially put up for auction for just €200, but was bought by a bidder from China on Sunday for the record amount. pic.twitter.com/x6nen4x335
— BBC NEWS (@KeyTab) November 15, 2020
Ова е уште еден доказ дека вековното хоби идентификувано со мажите од работничката класа сега има нов, елитистички странски живот. Врвните одгледувачи што се потпираат на генерациите на семејното искуство, сега можат да ги продаваат своите птици по цени неверојатни пред само една деценија, а нивната честа дестинација е Кина.
„Овие рекордни цени се неверојатни, затоа што станува збор за гулабица. Арман беше мажјак. Обично мажјакот вреди повеќе од женката, бидејќи може да остави повеќе потомство“, рекол Николас Гизелбрехт, извршен директор и основач на „Пипа“.
Гизелбрехт изјавил дека Њу Ким има две години и учествува во трките од 2018 година, како и дека ја стекнала титулата најдобра млада птица во Белгија, но морала да се повлече порано. Гулабите обично можат да се размножуваат до 10-годишна возраст.