Гимназијата „Никола Карев“ победник на Европското првенство за кошаркари од средни училишта
Македонската кошаркарска федерација беше домаќин на уште еден голем настан на почетокот на летниот период од оваа календарска 2023 година.
Во Скопје се одржа Европското првенство за кошаркари од средни училишта. Нашиот главен град ги пречека најдобрите 200 средношколци од седум европски држави, меѓу кои и четирите најдобри македонски тимови во женска и машка конкуренција кои се надигруваа за престижниот трофеј.
Главниот промотор на оваа европска манифестација беше претседателот на федерацијата, Перо Антиќ.
Во машка конкуренција шампионскиот пехар заврши во рацете на СУГС гимназија „Никола Карев“ – Скопје.
Во финалето „Никола Карев“ триумфираше против Бохумил Храбал од Чешка со резултат 99:95.
Кај жените златниот медал го освои чешката гимназија „Припоточни“ – Прага.