Сезоната во Лига 1 започна вчера со натпреварот меѓу Олимпик Лион и Ајачио, а актуелниот шампион ПСЖ кој вечерва му гостува на Клермон се соочува со големи проблеми поради тренерот Кристоф Галтие.

Имено, Фудбалската федерација на Франција (ФФФ) сè уште не го верификувала договорот на ПСЖ и тренерот Галтие, пишува „Лекип“.

Причина е поради тоа што Галтие не ја ажурирал тренерската диплома, односно УЕФА про лиценцата, која е должен да ја ажурира на секои три години со полагање на тест.

Галтие веќе стапил во контакт со техничкиот директор на ФФФ, Ибер Фурние за да се реши проблемот и се очекува тренерот на ПСЖ тестот да го полага за време на наредната репрезентативна пауза.

Дотогаш ФФФ би требало да му дозволи на Галтие да го води ПСЖ на натпреварите.