ГАЛЕРИЈА | „Ла Томатина“: Улична борба со домати во шпанското гратче Буњол
Традиционалниот фестивал „Ла Томатина“, во кој учесниците фрлаат домати и влегуваат во борба со домати од чисто забавни цели, и годинава го прекри шпанското гратче Буњол во црвена боја.
Како што пренесе „Асошиејтед прес“, во „борбата“ учествувале повеќе од 15.000 учесници, меѓу кои и многу странски туристи, а улиците во Буљол биле прекриени со 120 тони згмечени домати.
Цената на билетот за учество на фестивалот изнесувала 12 евра, а „борбата“ траела еден час.
Фестивалот „Ла Томатина“ започнал во последната среда од август во 1945 година, кога на градскиот плоштад се одржувала парадата на џиновите и големоглавите фигури. Големата глава на еден од учесниците паднала како резултат на веселбата. Учесникот се разбеснил и почнал да удира сè што ќе му се најдело на патот. Таму имало тезга со зеленчук и гневната толпа почнала да се гаѓа меѓу себе, додека полицијата не ја сопрела битката со зеленчук.
Следната година некои млади луѓе испланирале да инсценираат кавга и си понеле домати од дома. Иако полициските сили го сопреле и ова, годишната традиција започнала. Следните години, по примерот на младите момчиња илјадници луѓе го правеле истото.