Група млади германски туристи, кои позирале за да објават фотографии на социјалните медиуми, се обвинети дека собориле вредна статуа во вила во северна Италија, изјави менаџерот на вилата „Алсео“, Бруно Голферини, пишува „Ројтерс“.

„Двајца од групата туристи се качија на фонтаната за да ја прегрнат скулптурата ‘Домино’ на уметникот Енрике Бути, а друг ја турна со стап, пред статуата висока 1,70 метри да падне на земја“, рече Голферини.

Голферини изјави дека поднел жалба во локалната полиција против сите 17 германски туристи кои биле во групата што ја изнајмила вилата. Во меѓувреме, тие ја напуштиле Италија, а целиот инцидент бил забележан на надзорните камери.

Статуата е стара околу 150 години, а нејзината вредност се проценува на околу 200.000 евра. Голферини вели дека поправката е отежната поради дополнителните оштетувања на плочките во фонтаната.

„Домина беше, на некој начин, жена која ја штитеше вилата. За жал, има неуки луѓе кои прават такви работи“, вели Голферини.

Ma sbattiamo in galera questa immondizia umana! Le multe che po non pagheranno non bastano! Ma come si fa! 😡 #VIGGIÙ #Varese #Italia #arteitaliana #salvateitalia pic.twitter.com/6rS9hD25bn

— Davide 🏳️‍🌈 (@davide_leon) August 3, 2023