ФОТО+ВИДЕО | Пет години без Оливер Драгојевиќ: На концертот во негова чест се собраа 20.000 луѓе
Поминаа точно пет години откако познатиот хрватски пејач Оливер Драгојевиќ почина по тешкото боледување. Оваа сабота, пристаништето кај Вела Лука беше преполно, на концертот организиран во негова чест. Таму се собраа неверојатни 20 илјади луѓе, пренесува „Јутарњи лист“.
Гласот на Оливер одекнуваше од секоја улица во последните неколку денови, но вистинскиот музички спектакл се случи вчеравечер. Се чини како секој од посетителите да беше длабоко внесен во песните на Оливер, и публиката што се собра, како и ансамблот на сцената предводен од Анте Гело.
На петгодишнината од неговата смрт, многумина изразија желба да одадат посебна чест на легендарниот пејач. Познатите личности имаа одлични настапи, прекрасни и емотивни моменти на сцената.
Со песна му одадоа чест многу јавни личности, меѓу кои Мери Цетиниќ, Данијела Мартиновиќ, Натали Диздар, Лорена Буќан, Хари Рончевиќ, Горан Каран, Марко Тоља, клапа „Суфит“, Матија Цвек, Јуре Бркљача и атракцијата од Нов Зеланд, „The Shades“.