ФОТО+ВИДЕО: „Ферари“ го претстави болидот за новата сезона во Ф1 шампионатот
Тимот на „Ферари“ денеска го претстави новиот болид „СФ-24“ со кој ќе учествува во овогодинешниот шампионат во Формула 1.
„Ферари“ минатата сезона ја заврши на третото место во генералниот пласман кај конструкторите со 406 бодови.
За тимот оваа сезона повторно ќе возат Шарл Леклер од Монако и Шпанецот Карлос Саинц. Леклер минатата сезона заврши на петтото место кај возачите со 206 бодови, додека Саинц беше седми со 200.
– Оваа сезона треба да почнеме таму каде што застанавме на крајот од минатата сезона со цел постојано да се подобруваме во сите области. Нè очекува најдолгата сезона во Ф1. Сите заедно треба да бидеме поефикасни, како и да правиме смели избори за да го постигнеме најдобриот можен резултат на секоја трка – изјави директорот на „Ферари“, Фредерик Васер.
Новата сезона во Ф1 шампионатот започнува на 2 март со трката за Големата награда на Бахреин.
The moment you’ve all been waiting for…
The SF-24 is here!! ❤️💛 pic.twitter.com/KVEcU5929j
— Scuderia Ferrari (@ScuderiaFerrari) February 13, 2024
Take a look at the SF-24 from all angles 🙌
Our 2024 challenger is ready to hit the track 🔥 pic.twitter.com/6uLC2jmjgB
— Scuderia Ferrari (@ScuderiaFerrari) February 13, 2024