ФОТО | „Те сакаме бескрајно“: Семејството се прости од Пеле
По тешката борба со ракот, спортската легенда Едсон Арантес до Наскименто, попознат како Пеле, почина на 82-годишна возраст и ги остави во тага сите обожаватели на најважната споредна работа на светот – фудбалот.
Неговото семејство се прости од него со трогателна фотографија од болница – нивната последна заедничка фотографија.
„Тоа што сме денес е благодарение на тебе. Те сакаме бескрајно. Почивај во мир“, напиша неговата ќерка Кели Кристина Наскименто во описот на фотографијата, на која членовите на семејството на Пеле го држат за рака.
Кели Кристина е едно од трите деца на Пеле и неговата прва сопруга, Роземери дос Реис Чолби, со која бил во брак од 1966 до 1982 година. Покрај Кели Кристина, тие ја добиле и ќерката Џенифер и синот Едсон.