ФОТО| Со кристали и 10 000 бисери: Погледнете како изгледала венчаницата на Елизабета Втора
На 20 ноември 1947 година, во Лондон, кралицата Елизабета и Филип, војводата од Единбург, дадоа завет на вечна љубов.
Венчавката на кралицата Елизабета и Филип беше одличен настан што ја возбуди јавноста по завршувањето на Втората светска војна, а од тогаш поминаа неверојатни 73 години.
Грчко – данскиот принц Филип во име на љубовта се откажал од таа титула и ја добил титулата војвода од Единбург, а притоа го прифатил презимето Маунтбатен.
Луксузната венчаница на Елизабета привлекла големо внимание.
Венчаницата била дизајнирана од Норман Хартнел. Фустанот имал вел долг четири метри, во форма на ѕвезда, што е симбол на преродбата и растот по војната. Креаторот пронашол инспирација во „Примавера“ на Ботичели, што особено се рефлектирало во цветните мотиви на богатиот сатенски фустан и превез.
Свилата со боја на слонова коска и дијамантска дијадема само го комплетирале луксузниот изглед.
Фустанот бил навезен со кристали и со 10 000 бисери донесени од Америка. Хартнел бил официјалниот дизајнер на дворецот од 1938 година, а притоа се тврди дека ова е неговиот најубав фустан.
Многумина ја споредија оваа венчаница со венчаницата на Грејс Кели од 1956 година, како и со венчаницата што Сара Бартон и Александар Меквин ја дизајнираа за Кејт Мидлтон.
Интересно е што во тоа време, кралицата морала да собере купони за да купи фустан!
72 години брак: Кралицата Елизабета венчаницата ја купила со бонови (ФОТО)