Со највисоки државни и воени почести на платото пред Владата, премиерот Димитар Ковачевски го пречека хрватскиот премиер Андреј Пленковиќ кој допатува во официјална посета на Македонија.

По свечениот пречек двајцата премиери заминаа на тет-а-тет средба, по што се најавени разговори меѓу двете делегации.

Во делегацијата заедно со премиерот Андреј Пленковиќ се високи претставници за економски прашања и за надворешни работи и претставници од хрватскиот Сабор. Во состав на македонската делегација на средбата ќе бидат вицепремиерите за европски прашања и за економски прашања, координација на економските ресори и инвестиции, Бојан Маричиќ и Фатмир Битиќи, министерот за информатичко општество и администрација Азир Алиу.

Пленковиќ за време на официјалната посета ќе биде примен и од шефот на државата Стево Пендаровски, како и од собранискиот претседател Талат Џафери, а ќе се обрати и пред пратениците во Собранието.