ФОТО | Овие 5 растенија совршено го поднесуваат централното греење: Лесни се за одржување и внесуваат позитивна енергија во секој простор
Есента пристигна, а со неа и првите студови што нè потсетуваат дека започнува сезоната на греење. Додека уживаме во топлината на нашиот дом, нашите собни растенија се соочуваат со сосема поинакви услови отколку во текот на летото. Сувиот воздух од радијаторите, недостатокот на природна светлина и пореткото проветрување можат сериозно да влијаат на нивниот раст и изглед. Затоа, токму сега е вистинското време да обрнеме внимание на тоа како можеме да им помогнеме да останат здрави и бујни и во текот на постудените месеци.
Препорачано
Повеќето растенија најдобро успеваат на даските на прозорците, каде што добиваат максимална светлина, но веднаш под тие прозорци се наоѓаат радијатори кои го сушат воздухот и почвата побрзо отколку што би очекувале. Наоѓањето на вистинската рамнотежа помеѓу топлината, влагата и наводнувањето може да биде вистински предизвик, но постојат видови кои без проблем ги поднесуваат условите на централното греење.
Во продолжение дознајте кои растенија можете безбедно да ги чувате покрај прозорецот дури и кога радијаторите работат со полна сила.
View this post on Instagram
Растенија на кои не им пречат радијаторите
Иако растенијата се полеваат поретко во есен и зима, понекогаш мора да го прекршиме тоа правило.
Во топлите простории, почвата се суши речиси исто толку брзо како во лето, па затоа е важно редовно да ја проверувате влажноста со прст и да го прилагодувате наводнувањето на секое растение поединечно. Повеќето собни растенија не поднесуваат премногу вода, па затоа секогаш треба да бидете внимателни со тоа.
Ова се видовите што можат да издржат централно греење и што можете да ги чувате на или во близина на прозорецот без грижи во текот на есента и зимата:
Папрат
Папратот е едно од најомилените собни растенија и често ги красат ентериерите.
Иако не е пребирлив, премногу сувиот воздух и високите температури можат да му наштетат. Сувите и кафеави лисја по неколку дена без прскање се јасен знак дека му недостасува влага.
View this post on Instagram
Орхидеја
Орхидеите ја сакаат светлината и добро ја поднесуваат топлината ако правилно ги негувате.
Идеалното место е северниот или источниот прозорец, а температурата не треба да падне под 16 степени Целзиусови. Се полеваат умерено, но редовно се прскаат со отстоена вода, бидејќи сакаат свеж и влажен воздух.
View this post on Instagram
Алое вера
Ова чудотворно растение е познато по своите лековити својства повеќе од 3.000 години.
Алое вера одлично поднесува сув воздух, што ја прави совршена за простории со греење. Ретко се полева.
View this post on Instagram
Фикус
Фикус лирата или „fiddle leaf fig“ е популарен поради своите големи, декоративни листови.
Лесен е за одгледување, но бара редовно бришење на листовите за да остане здрав и сјаен.
View this post on Instagram
Пачира
Според фенг шуи, пачира носи среќа и позитивна енергија. Пачира или позната како „дрво на парите“ (Pachira aquatica) е билка за која се верува дека носи среќа на личноста која се грижи за неа.
Ја сака светлината, па затоа е најдобро да се чува во близина на прозорец. Треба редовно да се прска и повремено да се „тушира“ за да се задржи свежиот изглед.
View this post on Instagram
Монстера
Монсерата е вистинска ѕвезда на модерните ентериери и е речиси сите љубители на растенија ја имаат во своите домовите.
Ја сака влагата и редовното прскање, благодарение на што може да презими дури и во близина на радијатори. Нејзините големи, препознатливи листови ќе внесат тропски шарм во секој простор, пренесува хрватски „Журнал“.
