ФОТО | На оригинален начин „Ролинг стоунс“ го најавија новиот албум: Објавија реклама во локален весник
Очигледно е дека легендарните „Ролинг стоунс“ сè уште активно работат на нови проекти. Деновиве тие на оригинален начин го открија насловот на нивниот нов албум, преку реклама во еден локален весник, пишува „Би-би-си“.
Препорачано
Рекламата, која се појави во весникот „Хакни Газет“, за измислената работа за поправка на стакло, потсетува на стихови од најпознатите песни на бендот.
„Нашиот пријателски тим ви ветува задоволство, Кога ќе кажеш дај засолниште, ќе ги поправиме твоите скршени прозорци“, пишува во огласот.
Но, познатиот бенд, допрва треба да потврди дека ова најава за нивниот 31 студиски албум.
Исто така, рекламата содржи неколку скриени пораки како, минијатурна верзија на познатото лого со усна на бендот, која е поставена како точка над буквите, а бизнисот за поправка на стакло кој се вели дека е основан во 1962 година, е со истата година кога беше формиран и бендот.
Името на компанијата, „Хакни Дајмнодс“ („Hackney Diamonds“), се верува дека е името на нивниот нов албум, за кој е искористен истиот фонт како за „Some Girls“ од 1978 година.
Anyone see this? An ad ran in Hackney Gazette for a company called Hackney Diamonds teasing Rolling Stones song titles. Their est. date is 1962, same year Stones formed. Website seems to be run by Universal Music, the Stones’ label. A clue their long-awaited new LP is on its way? pic.twitter.com/DFSnb2WE48
— Simon Harper (@Simon__Harper) August 21, 2023
Рекламата во весникот вклучува и телефонски број, на кој клиентите можат да се јават за да добијат понуда.
Ако го сторат тоа, слушаат снимена порака која вели: „Добредојдовте во „Hackney Diamonds“, специјалисти за поправка на стакло: Не се лути, поправете го“. Отворање на почетокот на септември, улица Маре, Е8. Регистрирајте се за повикот на www.hackneidiammonds.com“.
Веб-страницата на фановите им нуди можност да се приклучат на листата со мејлови, што ја води музичката куќа на „Ролинг стоунс“.
Новиот албум на бендот ќе биде нивниот прв албум по „Blue and Lonesome“, од 2016 година, кој беше збирка на обработки на блуз, и нивниот прв албум со оригинален материјал од „A Bigger Bang“ во 2005 година.
ВИДЕО | Кога ќе те прободи Аморова стрела: Песни инспирирани од голема, вистинска љубов
