Службата за итни случаи на Киев објави слики од облакодер од станбениот дел на киевскиот кварт Шевченковски, кој утринава околу 6 часот беше погоден од руски проектили.

Се додава дека во нападот е оштетена и соседната деветкатница.

На местото на настанот се пожарникари, брза помош и други служби. Според првичните информации две лица се повредени, а 35 се евакуирани од зградата.

Пожарот бил изгаснат во 7:45 часот, спасувачите сега трагаат по преживеани.

Би-би-си пишува дека на социјалните мрежи се шират видеа од големи темни облаци кои се издигнуваат над градот.

Во Киев е на сила 35-часовен полициски час. Градските власти предупредија дека градот е во многу опасна ситуација.