ФОТО: Дали Ангеловски веќе најде нови македонски репрезентативци?
Во тек е мини тренинг кампот кој го организира селекторот на македонската А репрезентација, Игор Ангеловски во потрага по нови играчи кои би можеле во иднина да го носат исто така националниот дрес.
Овој тренинг кампот се одржува на Тренинг центарот „Петар Милошевски“ – Скопје, самите фудбалери од поширокиот список на Ангеловски го потврдуваат квалитетот и потенцијалот за евентуално место во најдобрата селекција. Потсетување дека в среда од 14.00 часот ќе се одигра контролен натпревар против Работнички.
Има уште доста време до Европското првенство, во меѓувреме „црвено-жолтите“ како што е веќе познато ќе ги почнат квалификациите за Светското првенство 2022 во Катар.
Отвораме на 25 март во Романија, првиот домашен меч е против Лихтенштајн на 28 март од 20.45 часот, а на 31 март гостуваме кај првиот фаворит во групата „Ј“, репрезентацијата на Германија.
Голмани: Ристо Јанков (Работнички), Костадин Захов (Шкендија);
Одбрана: Филип Најдовски (Тирана, Албанија), Томе Китановски (Македонија Ѓ.П.), Коста Манев (Академија Пандев), Есмин Личина (Македонија Ѓ.П.), Фатих Исмаили (Шкупи), Блертон Шеји (Струга Трим Љум), Ангелче Тимовски (Силекс);
Среден ред: Енур Тотре (Шкендија), Ѓорги Стоилов (Академија Пандев), Марјан Радески (Академија Пандев), Матеј Цветановски (Шкупи), Агон Елези (Вараждин), Али Адем (Шкупи), Лука Станковски (Работнички); Стефан Ашковски (Ботошани, Романија).
Напад: Марко Ѓорѓиевски (Раднички Пирот, Србија), Џемал Ибиши (Дубрава, Хрватска), Дашмир Елези (Шкендија), Љупчо Дориев (Шкендија)
– Нашата намера е евентуално да го дополниме главниот репрезентативен список со имиња на фудбалери кои ќе остават силен впечаток на тренинг кампот и на контролниот натпревар против Работнички. Се надевам дека овој тренинг камп ќе биде од корист за сите – вели Ангеловски.