Фотографиите на младоликиот Бред Пит (59), кој минатата недела од трибините го следеше финалето на Вимблдон неодамна го обиколија светот, а поради одличниот изглед доби бројни комплименти.

Не требаше многу време, па корисниците на социјалните медиуми на Балканот, почнаа да се шегуваат за изгледот на холивудската ѕвезда и српскиот актер и режисер Драган Бјелогрлиќ, кој исто така има 59 години.

60 godina na Balkanu i u Holivudu pic.twitter.com/jmmrj0kYvb

— alexbelgrade (@alexbelgrade) July 18, 2023

„60 години на Балканот и во Холивуд“, пишува во описот со фото-колажот.

Преку објавата на Твитер, беа споредени фотографиите на Драган Бјелогрлиќ и Бред Пит. Шегата ја прифати и самиот Драган, па набрзо по објавата изреагира и колажот со фотографии го сподели на својот Инстаграм профил.

„Гледам дека ова е хит„ кратко напиша актерот.

Да потсетиме, Бјелогрлиќ е најпознат како режисер на филмовите „Монтевидео, Бог те видео“, „Монтевидео, видимо се!“ и „Сенки над Балканот“, но и за улогите во сериите „Бољи живот“ и „Семејно богатство“. Неговиот последен успех беше филмот „Тома“, за животот и делото на пејачот Тома Здравковиќ од 2021 година, според кој моментално се снима истоимената серија.