По синоќешниот напад на Иран врз Израел, во главниот град на Иран, Техеран беше поставен билборд со порака „Следниот шамар ќе биде посилен“.

Портпаролот на израелската војска Даниел Хагари утрово изјави дека биле истрелани повеќе од 300 беспилотни летала и проектили, но 99 отсто од нив биле пресретнати.

Хагари рече дека Иран истрелал 170 беспилотни летала, повеќе од 30 крстосувачки ракети и повеќе од 120 балистички ракети, но само неколку балистички проектили стигнале до израелска територија, предизвикувајќи мала штета на воздушната база.

Иран синоќа лансираше стотици беспилотни како одмазда за нападот врз иранскиот конзулат во Дамаск, во кој загинаа командантот на Револуционерната гарда во Сирија и Либан, Мохамад Реза Захеди и неговиот заменик, како и пет офицерите кои ги придружувале.