Фон дер Лајен и Руте на средба со членовите на Претседателството на БиХ
Членовите на Претседателството на Босна и Херцеговина денеска имаа средба со претседателката на Европската комисија Урсула фон дер Лајен и со премиерот на Кралството Холандија, Марк Руте, додека премиерот на Република Хрватска, Андреј Пленковиќ, кој допатува во дводневна посета на Сараево, не се појавил на претпладневната средба, јавува Анадолија.
На состанокот присуствуваа претседавачот на Претседателството на БиХ Жељко Комшиќ и членовите на Претседателството Денис Беќировиќ и Жељка Цвијановиќ.
Според сигурни извори на „Дневни Аваз“, на овој состанок денеска не требало да присуствува членот на Претседателството на БиХ, Жељко Комшиќ. Поради тоа, непосредно пред самата средба, Пленковиќ ја откажал посетата на Претседателството на БиХ, бидејќи не сакал да се сретне со Комшиќ. За овој инцидент сведочи и тоа што хрватското знаме е поставено со другите знамиња.
A pleasure to be back in Sarajevo, this time with @MinPres & @AndrejPlenkovic
We are here to encourage BiH to make progress on its EU path.
By delivering on the fundamentals.
And moving forward as one.Because its future is in the EU, as a single, united and sovereign country. pic.twitter.com/fMjIKzCkDm
— Ursula von der Leyen (@vonderleyen) January 23, 2024
Посетата на европските претставници уследи по одлуката на Европскиот совет во декември 2023 година да отвори пристапни преговори на Босна и Херцеговина со Европската Унија кога ќе се постигне потребниот степен на усогласеност со критериумите за членство. Европскиот совет, исто така, ја покани Комисијата да поднесе извештај до Советот за напредокот најдоцна до март 2024 година со цел да донесе одлука.
Целта на посетата е да се охрабрат властите во Босна и Херцеговина да ја искористат оваа можност и да ги интензивираат своите напори со цел да се постигне потребниот напредок до март 2024 година за 14 клучни приоритети од Мислењето на Европската комисија. Дополнително, посетата ќе биде можност да се разговара за можностите што ги нуди Планот за раст на Европската комисија за Западен Балкан.
За време на престојот во Босна и Херцеговина, Фон дер Лајен, Руте и Пленковиќ ќе се сретнат со претседавачот и заменик-претседавачите на Советот на министри на Босна и Херцеговина, министерот за надворешни работи на Босна и Херцеговина, Заедничкиот колегиум на Парламентарното собрание на Босна и Херцеговина, како и претставници на граѓанското општество.
Прес конференција е планирана за нешто пред 12 часот.