Ракометарот на Ратинген, Филип Лазаров е позитвен на коронавирус, објавија германските медиуми. Тие се сомненуваат дека причина за неговиот позитивен тест е патник во авионот кој бил позитивен на ковид-19.
Лазаров пред заминувањето за Германија каде требаше да ги започне подготовките за новата сезона, се тестирал на коронавирус и резултатот бил негативен.

Но, тој пред  неколку дена добил мејл дека на летот имало патник кој е позитивен на коронавирус и објаснувањето од здравствените власти било дека нема потреба да направи тест доколку не седел до сопатникот.

Сепак, Лазаров направил се тестирал и резултатот овој пат бил позитивен, по што се наоѓа во самоизолација и не замина со екипата на подготовки во Холандија. Ратинген веднаш ги тестирал сите ракометари, но ниту еден не е позитивен на коронавирус.