Еурофарм Пелистер го „отпиша“ Алкалоид од трката за титулата
Еурофарм Пелистер во салата „Автокоманда“ освои важни бодови против Алкалоид во трката за шампионската титула во македонската ракометна Супер лига.
Играчите на Александар Јовиќ со минимален резултат 27:28 го совладаа составот предводен од Кирил Лазаров.
На пет секунди до крајот на средбата при нерешени 27:27 победничкиот гол за битолската екипа го постигна Данецот Хенеберг.
За Еурофарм Пелистер по шестипати во листата на стрелците се запишаа Хенеберг, Хосни и Василев, додека на спротивната страна по пет погодоци имаат Симоновски и Митев.
Сега повторно се израмнети на табелата Вардар 1961 и Еурофарм Пелистер со по 27 бодови, а Алкалоид остана со 21 на третото место.
Вардар 1961 и Еурофарм Пелистер имаат уште по пет натпревари до крајот на сезоната, меѓусебниот меч кој најверојатно ќе одлучи кој ќе ја освои титулата, ќе се игра на 7 мај во салата „Боро Чурлевски“ – Битола.