Ескалираат протестите во Ира: Tројца демонстранти убиени од безбедносните сили
Ирачките власти денеска соопштија дека загинале тројца демонстранти, а 35 се повредени во судир со безбедносните сили во јужен Ирак.
Во Карбала вчера загинаа двајца демонстранти откако полицијата употреби боева муниција, а еден од демонстрантите почина од повреди од солзавец.
Демонстрациите се одржуваат во Багдад, и претежно во шиитски Ирак, во јужниот дел. Демонстрантите ја обвинуваат шиитската влада за корупција и се жалат на лошите јавни услуги и голема невработеност.
Најмалку 350 луѓе загинаа, а илјадници се повредени од почетокот на протестите во Ирак од први октомври, најголеми протести во модерната историја на Ирак.
Во Багдад синоќа истовремено одекнаа три експлозии во кои загинаа тројца, а повредени се повеќе од десет луѓе.
Демонстрантите и денеска ги блокираа патиштата меѓу Карбала и Багдад. Истата состојба е и во Басра, каде поради блокираните патишта е намалена трговската активност за 50 отсто.