Турција ќе испрати помош во САД во медицинска опрема, вклучувајќи и заштитна облека и маски, за да помогне во сузбивањето на пандемијата од коронавирус, најави турскиот претседател Реџеп Таип Ердоган.

Ердоган додаде дека од петок 1.мај во 31 турски град на сила ќе биде тридневен карантин и дека примената на таквите мерки во текот на викендот ќе продолжи до Рамазан Бајрам на крајот од мај, пренесува Ројтерс.

Тој најави дека наскоро ќе биде објавен план за враќање во нормалниот живот.

Турција е земја со најмногу заразени од коронавирус надвор од САД и Западна Европа, а според последните информации на сајтот Ворлдметерс 110.130 лица се заболени, а 2.805 починаа.