Прекрасната Ен Хатавеј открила дека била многу слична на проблематичната актерка Линзи Лохан, која поради низата законски проблеми повеќе пати беше на рехабилитација и во затвор, но дека била доволно среќна да ги надмине грешките во приватниот живот.

„Линзи и јас имавме многу повеќе сличности отколку што мислат луѓето. Сите во животот сме правеле погрешни работи, само работата е во тоа што јас ги правев на факултет, кога никој не знаеше која сум. Не сум светец. Го трошев времето правејќи деструктивни работи за себе“, раскажала Ен.

Поранешното момче на познатата актерка, Рафаело Фолиери бил уапсен во 2008 година и потоа осуден за измама, а 37-годишната актерка, која од 2012 година е мажена за колегата Адам Шулман, вели дека искуството ја научило да ја задржи смислата за хумор во борбата со катастрофите.

„Се трудам животот да го држам во приватност, посебно после тоа што ми се случи. Како што реков, морам да ја задржам смислата за хумор“, изјавила актерката за Sun.

„Таа е најбитна. Бев во низа непријатни ситуации низ животот, а само смислата за хумор ми помогна“