Покрај возбудувањата во Лигата на шампионите, со големо внимание ќе ги следиме и натпреварите во второто по квалитет европско клупско натпреварување Лига Европа, каде што имаме неколку македонски интернационалци.

Тројца репрезентативци сезонава ќе бидат дел од ЛЕ, Елиф Елмас со италијанскиот Наполи и Аријан Адеми и Стефан Ристовски со хрватскиот Динамо Загреб.

Елмас е во групата „Ц“ со Легија Варшава, Лестер сити и Спартак Москва, додека Динамо е во групата „Х“ со Генк, Вест хем и Рапид Виена.

Според светските обложувалници, интересно токму двете екипи од групата „Ц“, Наполи и Лестер сити со квота 15,00 се најголеми фаворити за титулата во Лига Европа. А како што е познато, победникот оваа сезона во ова натпреварување ќе добие директно место во групите на Лигата на шампионите, за сезоната 2022/23.

Зад Наполи и Лестер сити следуваат Вест Хем (17,00), Баер Леверкузен (21,00), Лацио (21,00), Лион (21,00), Реал Сосиеадад (21,00), Ајнтрајт Франкфурт (26,00), Монако (34,00), Бетис (34,00)..

Динамо Загреб е дури на 21 место (од 32 екипи во групната фаза) рангиран со квота 101,00.