Ракометниот клуб Тинекс Пролет ја информира јавноста дека Илија Темелковски, ќе ја води екипата на претстојното гостување во Прилеп закажано за петок.

Тренерот Алексо Лембанов си поднесе оставка од функцијата по шокантниот пораз од Вардар Неготино, но управата се уште нема донесено одлука дали истата да биде прифатена.

За да не бидат донесени брзоплети решенија, од клубот одлучија за истата да се дискутира за време на паузата поради ЕХФ-неделата, a во меѓувреме тимот во Прилеп ќе го предводи Темелковски.

Поранешниот македонски селектор е една од најголемите клупски легенди на Тинекс Пролет.

– Немаме сомнеж дека ќе успее да го извлече максимумот од играчкиот кадар што го има на располагање и ќе дојде до позитивен резултат, со кој би си го зацврстиле местото кое води во плејофот – пренесува РК Тинекс Пролет.