Барселона по болната елиминација во полуфиналето на Лигата на шампионите, почна со поготовките за наредната сезона. Каталонскиот клуб најави дека дури десет фудбалери на лето ќе бидат продадени, и со собраните средства ќе се анагжираат нови засилувања со кои ќе се атакува на трофејот во Лигата на шампионите.

Највисоко на листата на желби на Барселона и сегашниот фудбалер на ПСЖ, Анхел Ди Мариа кој во минатото има настапувано за најголемиот ривал, Реал Мадрид.
Според весникот „Дон Балон“, претседателот на ПСЖ, Насер Ал-Келаифи е подготвен да го продаде Ди Мариа за 40 милиони евра.

Оваа сума е прифатлива Барселона но и за уште една шпанска екипа, Атлетико Мадрид но се очекува тој да се пресели на „Камп Ноу“. Причината лежи во Лионел Меси кој отворено му порачал на раководството на Барселона, по секоја цена да го ангажира аргенстинскиот репрезентативец.

Доколку се реализира трансферот, Анхел Ди Мариа ќе биде еден од ретките фудбалери како Луис Фиго, Самуел Ето, Луис Енрике, Роберт Просинечки и друго кои го носеле дресот на двете најголеми шпански екипи.

Аргентинецот играше за Реал Мадрид од 2010 до 2014 година и успеа да освои еден трофеј во Лигата на шампионите, а потоа премина во Манчестер јунајтед.