Двојно зголемен бројот на починати од коронавирус во САД во однос на претходните денови
Во изминатите 24 часа во САД од коронавирусот починале 2.494 лица, што значи дека бројот на починати повторно порасна, информираат од Универзитетот Џонс Хопкинс, пренесува Н1.
Во петокот беа забележани 1.258 смртни случаи, што беше најнизок број во речиси три недели.
САД се држава со најголем број на смртни случаи од коронавирусот со вкупно 53.511 смртни случаи и 936.293 заболени, според податоците на тој универзитет со седиште во Балтимор.
Инаку, американскиот претседател Доналд Трамп првпат по месец дена не одржа прес-конференција во Белата куќа.