34-годишна жена од Скопје во полиција вчера пријавила дека била физички нападната од 48-годишен човек.

„На 11.07.2023 во 19.26 часот во СВР Скопје, Н.А.(34) од Скопје пријавила дека околу 15.20 часот на подрачјето на Ѓорче Петров, по претходни недоразбирања, била физички нападната од Т.Т.(48) од Скопје“, стои во соопштението на Министерството за внатрешни работи.

48 годишниот скопјанец во полиција пријавил дека таа го удрила со автомобил во нозете и го повлекла со возилото.

„На 12.07.2023 во 19.26 часот Т.Т. пријавил дека на 11.07.2023 околу 15.20 часот на подрачјето на Ѓорче Петров, Н.А. додека управувала патничко возило, го удрила во пределот на нозете и го повлекла со возилото“, се додава во соопштението а МВР.

Од полицијата велат дека ќе следуваат соодветни поднесоци, а се работи на целосно расветлување на случајот.