ДУИ: Не го копираме СДСМ
ДУИ не го копира СДСМ со промените на партиско ниво. Според оваа партија, претседателите на ограноците не биле разрешени, туку имале истечен мандат и тоа веќе една година пренесува Алсат. Портпаролот на ДУИ, Бујар Османи, вели дека реорганизирањето во партијата се случува во согласност со статутот.
„Не затоа што статутот утврдил дека конгресот треба да се одржи на овој датум и тоа повеќе не може да се одложува бидејќи реално партиските тела се наоѓаат во фаза на вршители на должности. Мандатот на претседателите на ограноците истече во ноември минатата година, Централното раководство одлучи да назначи координатор за секој огранок да започне со организирање на изборите, од локалните совети, до собранието на ограноците и претседателите на ограноците. Координаторот во овој период ќе биде контакт точката помеѓу центарот и огранокот, но нема да имаат право да се кандидираат“, рече Османи.