ДУИ ги обвини ВМРО-ДПМНЕ и Левица дека намерно блокираат над 500 милиони евра за проекти во интерес на граѓаните
Политичките партии ВМРО-ДПМНЕ и Левица активно и намерно блокираат над 500 милиони евра наменети за проекти во интерес на граѓаните од страна на европските финансиски институции, обвинуваат од ДУИ.
Според ДУИ, коалициската блокада на опозицијата е антиЕвропска, антиНАТО и антиАмериканска.
-Да повториме: Финансиските импликации од блокирањето на законот за ДДВ се 40 милиони евра, за законот за данок на добивка се 20 милиони евра, за данокот на солидарност 80 милиони евра, како и блокирањето на финансиските закони за задолжувања, 100 милиони евра од европската инвестициска банка за развојни кредити за стопанството со поволни услови и други 100 милиони од ЕБРД за ЕСМ, над 150 милиони евра за коридорите 8 и 10 – Д, додека од даночните законите зависат и уште вкупно 260 милиони евра од ЕУ и ММФ, дополнително уште стотици милиони евра за железницата на коридорот 8, се вели во соопштението од политичката партија.
Додаваат дека ВМРО-ДПМНЕ работеле активно и против Преспанскиот договор и членството во НАТО, а не го поддржале ниту референдумот.
ДУИ ги поддржува петте закони во Собрание и активно ќе работи на нивно усвојување за побрза и поевтина изградба на автопатиштата. ДУИ исто така се залага за уставни измени и продолжување на европскиот пат на земјата преку национален консензус и општествено помирување. ВМРО и Левица се извор на лажни вести и пропаганда. Никаде во законот за работни односи не се споменува 60 часа работно време, потенцираат од партијата.
Тие велата дека сите досегашни тврдења на опозициските партии се потврдиле како лажни и оти ДУИ нема да дозволи ВМРО-ДПМНЕ и Левица да ја чинат државата и граѓаните над 150 милиони евра поскапа изградба и над две години по долга изградба.