Првиот патник во финалето на овогодинешниот фајнл-фор во Лигата на шампионите беше одлучен по изведувањето на пенали откако во регуларниот дел Магдебург и Барселона одиграа 31:31. Навивачите во „Ланксес Арена“ беа сведоци на вистинска драма и еден пенал рулет полн со промашувања.

Барселона беше за нијанса подобра во првото полувреме и имаше предност во најголем дел од првите 30 минути. Магдебург водеше на двапати само со 7:6 и 8:7. Барселона за првпат имаше два разлика во 19-тата минута, а потоа и со голот на Дика Мем дојде до 15:18, сепак Германците се изборија 16:18 на пауза.

Одлично стартуваа Каталонците во вториот дел и со два гола дојдоа до највисоки плус четири, но тука како да застанаа. Следуваше една серија на германскиот тим со 6:1 и за првпат на мечот имаа два гола предност (24:22).

Барселона не дозволи посериозно да се „одлепи“ противникот, па се врати на 25:25. Во последните моменти беа и во водство. Последните секунди од регуларниот дел беа драматични. Смит израмни на 31:31, а Барса беше блиску и во неколкуте секунди кои останаа да даде гол за победа, но Германците се извлекоа.

Неизвесната битка продолжи и по продолженијата (две по пет минути). На крајот и тука немаше победник (35:35).

Во пенал серијата дури четворица ракометари на Барселона не реализира, па доволни беа двата гола на германскиот тим за пласман во големото финале. За место во финалето во второто полуфинале ќе се борат ПСЖ и Кјелце од 18:00 часот.

A save for HISTORY ☝️⭐️#ehfcl #ehffinal4 @SCMagdeburg pic.twitter.com/0uVRPJOvCR

— EHF Champions League (@ehfcl) June 17, 2023