Домагој Вида вечерва против Турција играл со позитивен тест на корона
Хрватскиот репрезентативец Домагој Вида бил позитивен на коронавирус за време на пријателскиот натпревар кој денеска е одигран во Истанбул.
Откако во понеделникот сите репрезентативци биле негативни на задолжителното тестирање на коронаврус, утринава било извршено тестирање пред претстојните натпревари од Лигата на нации во таборот на Хрватска.
Службените резултати од тестовите, фудбалската федерација на Хрватска ги добила вечерва по одигрувањето на натпреварот со Турција и се покажало дека Вида и позитивен на ковид-19.
ℹ️ Liječnička služba hrvatske nogometne reprezentacije je neposredno iza ponoći po lokalnom vremenu u Istanbulu dobila rezultate testiranja na virus SARS-CoV-2 među kojima je bio i jedan pozitivan nalaz među igračima.
— HNS (@HNS_CFF) November 11, 2020
Но, лекарскиот тим на хрватската репрезентација добил информација на крајот од одморот помеѓу двете полувремиња дека имаат потенцијално еден позитивен резултат и тоа тестот на Домагој Вида.
Бидејќи селекторот Златко Далиќ веќе донел одлука да го замени Вида на полувремето, фудбалерот веднаш е изолиран и тој во наредните денови ќе остане во изолација во Истанбул, додека хрватската репрезентација ќе отпатува за Стокхолм каде ќе игра против Шведска во Лигата на нации.