Сите заинтересирани кои ги исполнуваат условите најдоцна до утре да поднесат апликација за неповратни 20 илјади евра финансиска помош наменета за млади земјоделци, порачуваат од Агенцијата за финансиска поддршка на земјоделството и руралниот развој.

Финансиската поддршка е наменета за млади лица кои сакаат да инвестираат во изградба, доградба и опремување на објекти за преработка од сите земјоделски гранки.

Услов е корисниците да бидат запишани во единствениот регистар на земјоделски стопанства, а носителот на земјоделското стопанство да нема повеќе од 40 години на денот на поднесување на барањето и земјоделското стопанство да не користело помош од мерката 112 „Млади земјоделци”.