Дибала е опција за Барса, клаузулата на играчот е 12 милиони евра
Аргентинскиот напаѓач Пауло Дибала има одлична сезона во Рома, и го привлече вниманието на европските гиганти. Овој 30-годишен фудбалер има откупна клаузула од 12 милиони евра која важи за тимови надвор од Италија.
Тој ѝ е понуден на Барселона, а Каталонците ја истражуваат можноста за таков трансфер, пишува „Спорт“.
Приоритет на Дибала е кариерата да ја продолжи во Шпанија, иако за него има интерес од англиски клубови. Во моментов, потпишувањето со него не е приоритет на Камп Ноу, но тоа може да се промени.
Аргентинецот има профил кој отсекогаш ѝ се допаѓал на Барса. Доколку е во прашање неговиот трансфер, Каталонците најверојатно ќе се откажат од Жоао Феликс кој во тимот настапува како позајмен од Атлетико Мадрид.
Сезонава Пауло Дибала има 19 натпревари во Серија А на кои има постигнато 12 гола и седум асистенции. Фудбалерот се пресели на „Олимпико“ во летото 2022 година во слободен трансфер од Јувентус. Неговиот договор со Рома е до крајот на претстојната сезона.
❗️Dybala is an option for Barça. He has been offered to the club. The player has a clause of 12 million euros and has always been willing to sign.
— @sport pic.twitter.com/xW4kK7nPYV
— Barça Universal (@BarcaUniversal) March 6, 2024