Управата на ПСЖ нема намера да го продолжи договорот со Анхел Ди Мариа и ќе му дозволи на аргентинскиот репрезентативец на лето да си замине, пишува „Лекип“.

Иако Ди Мариа е најдобар асистент во историјата на ПСЖ, „Лекип“ пишува дека Зинедин Зидан кој ќе биде тренер на екипата од следната сезона, наводно им порачал на челниците на „светците“ дека нема да смета на Аргетинецот и дека е слободен во изборот на новиот клуб.

Како следна дестинација на Анхел Ди Мариа се споменува Серија А, што е негова голема желба, а најголем интерес за него пројавуваат екипите на Наполи и на Милан.

Во Наполи го гледаат Ди Мариа како идеален наследник на капитенот Лоренцо Инсиње кој од лето се сели во Торонто, додека во Милан сакаат да ангажираат квалитетно засилување по крилните позиции и Аргентинецот е една од опциите.