Давид Тошевски повеќе не е фудбалер на рускиот Ростов
Како што официјално соопштија од Ростов, двете страни се договориле да ја прекинат соработката.
Македонскиот фудбалер Давид Тошевски повеќе не е фудбалер на Ростов, Русите му посакуваат успех на напаѓачот во понатамошната кариера.
Како играч на Ростов, настапуваше како позајмица во Полска за Горник, а потоа и во Словачка за Земплин Михаловце.
Пред да го направи својот прв трансфер во странство, 22-годишниот Тошевски беше дел од Работнички. Има шест настапи за нашата У21 репрезентација.
Немаше голема минутажа, во дресот на Ростов, во првата сезона 2020/2021 во најдобрата руска фудбалска лига имаше шест настапи, потоа во сезоната 2021/2022 само шестпати беше на клупата, лани запиша два настапи, а во тековната еден настап.