Според податоците на Ај-кју Ер, Скопје утрово беше десетти најзагаден град во светот, а попладнево се искачи на шесто место. Мерната станица за квалитет на воздухот во Скопје во десет часот утрово измерила високо ниво на загадување од 189,51 микрограми на метар кубен. Во меѓувреме, пак,  Град Скопје ги демантираше информациите објавени на „Ај-кј Ер“ со образложение дека главниот град не е ниту најзагаден во Македонија, а не пак во светот. Како најзагадени градови во Македонија во последните 48 часа, од Град Скопје велат дека се Кавадарци, Струмица и Тетово, според податоците од светскиот мониторникг сервис „WAQI“, велат тие.

Имено, неразбрлива е за нас потребата од пласирање на сензационалистичката лага за наводна загаденост на градот Скопје, особено поради фактот што светскиот мониторинг сервис „WAQI“ кој во реално време ги покажува податоците за нивото на загаденост во сите градови во светот, јасно покажува дека Скопје не е ниту најзагаден град во Македонија, а не пак во светот. Дополнително и на националните мерни станици се потврдува истото – се вели во соопштението.

Според „Ај-кју Ер“, Скопје на листата се најде меѓу Делхи, Вухан, Багдад, Белград и Сараево како најзагаден град во светот.

Најголема загаденост утрово е измерена на станиците во Лисиче, Центар, Гази Баба, и таа кај гимназијата „Нова“.